जामखेड सौताडा या रखडलेल्या राष्ट्रीय महामार्गामुळे अपघातांची मालिका थांबेना

जामखेड सौताडा या रखडलेल्या राष्ट्रीय महामार्गामुळे अपघातांची मालिका थांबेना

रोडचा अंदाज न आल्याने आपघातात २३ वर्षीय युवक गंभीर जखमी

जामखेड प्रतिनिधी

जामखेड ते सौताडा या राष्ट्रीय महामार्गाचे काम गेल्या वर्षी पासुन रखडले असल्याने प्रवाशांना त्याचा फटका बसत आहे. रस्त्याच्या अर्धवट कामामुळे या रस्त्यावरील अपघातांची मालिका थांबायला तयार नाही. याचाच प्रत्यय पुन्हा एकदा आला आसुन मध्यरात्री एक दुचाकीस्वारास येथील ढीगाऱ्याचा अंदाज न आल्याने आपघात झाला. या अपघातात दुचाकीस्वार गंभीर जखमी झाला. आपघाताची माहिती समजताच सामाजिक कार्यकर्ते संजय कोठारी यांनी मध्यरात्री कडाक्याच्या थंडीत जाऊन जखमीस उपचारासाठी रुग्णालयात दाखल केले.

जामखेड ते सौताडा या राष्ट्रीय महामार्गाचे काम गेल्या वर्षी पासुन रखडले आहे. त्यामुळे या रस्त्यावरील अपघातांची मालिका थांबायला तयार नाही. जामखेड शहरात देखल हा रस्ता अर्धवट स्थितीत पडला आहे. त्यामुळे शहरात देखील आपघात होत आहे. याचाच प्रत्यय आज मध्यरात्री देखील आला. आज दि 10 रोजी मध्यरात्री दिड वाजण्याच्या सुमारास बीड रोडवरील एका हॉटेल समोर एका मोटारसायकल मोटरसायकल क्रमांक MH 23 BF 4255 या तरुणास ढीगाऱ्याचा अंदाज न आल्याने आपघात होऊन या आपघातात मोटारसायकल चालक अंकुश अरुणराव कच्छवे, वय 23, रा. दैठाणा, ता. परभणी हा गंभीर जखमी झाला आहे. सदर कामी जामखेड पोलीस स्टेशनचे पोलीस देवा पळसे, कुलदीप घोळवे भोसदादा, देशमाने, मिसाळ आकाश घागरे आणि सचिन खामकर यांनी मदत केली.

जामखेड ते सौताडा या राष्ट्रीय महामार्गाचे काम गेल्या एक वर्षांपासून रखडले आहे मात्र संबंधित खासदार व लोकप्रतिनिधींनी या समस्येकडे दुर्लक्ष केले की काय असा सवाल उपस्थित होत आहे. त्यामुळे सध्यातरी रखडलेल्या कामामुळे शहरातील व्यापार्‍यांना खुप त्रास सहन करावा लागत आहे. परीणामी व्यापारी वर्गाने दुर्लक्ष होत आसलेल्या कामामुळे तीव्र नाराजी व्यक्त केली आहे. तसेच लवकरात लवकर हे काम सुरू करावे अशी मागणी केली आहे.

यावेळी बोलताना सामाजिक कार्य संजय कोठारी म्हणाले की दोन वर्षापासून या राष्ट्रीय महामार्गाचे काम रखडले आहे. काम लवकर व्हावे यासाठी संबंधित अधिकारी आणि संबंधित कॉन्ट्रॅक्टरच्या कर्मचाऱ्यांना सांगून ते लक्ष देत नाहीत. महत्त्वाचे म्हणजे याच रोडवर याच ठिकाणी बरेच अपघात झाले असून बऱ्याच लोकांचे प्राण गेले आहेत. संबंधित अधिकारी उप अभियंता अहमदनगर सार्वजनिक बांधकाम विभाग घटमळ साहेब यांना बऱ्याचदा हे सांगितले असून ठेकेदार महामार्गाचे प्रकल्प संचालक नरेंद्र गांगुली, प्रकल्प व्यवस्थापक सचिन पवार यांना पण सदर माहिती बऱ्याच वेळा सांगितलेले आहे परंतु ते लक्ष देत नाहीत. तरी ताबडतोब लक्ष देऊन सौताडा घाट ते कोठारी पेट्रोल पंप पर्यंत रोडचे काम त्वरित करावे अन्यथा आम्हाला रोडवर येऊन आंदोलन करावे लागेल असे सांगितले.