जि. प. प्रा. शाळा मराठी मुले-मुली जामखेडच्या विद्यार्थ्यांनी भरवला आनंदी बाजार
गटशिक्षणाधिकारी बाळासाहेब धनवे यांनी केले विद्यार्थ्यांचे कैतुक
जामखेड प्रतिनिधी
शालेय शिक्षणाबरोबर विद्यार्थ्यांना व्यवहारीक ज्ञान समजले पाहिजे, तसेच विद्यार्थींना दैनंदिन व्यवहार समजावे या प्रमुख उद्देशाने जि. प. प्रा. शाळा मराठी मुले-मुली जामखेडच्या विद्यार्थ्यांनी आनंदी बाजार भरविला होता.
कार्यक्रमाचे उद्घाटन जामखेड तालुक्याचे गटशिक्षणाधिकारी बाळासाहेब धनवे यांच्या हस्ते सावित्रीबाई फुले यांच्या प्रतिमेचे पूजन व दीपप्रज्वलनाने करण्यात आली. उद्घाटन प्रसंगी बोलताना गटशिक्षणाधिकारी धनवे साहेब म्हणाले की, विद्यार्थ्याना जीवनाभिमुख शिक्षण मिळावे. वर्गात मिळालेल्या शिक्षणाचे उपयोजन दैनंदिन जीवनात विद्यार्थ्याला करता यावे, यासाठी आनंदी बाजार हा उपक्रम खूप महत्वाचा आहे. अशा स्तुत्य उपक्रमाचे पद्धतशीर व नियोजन पूर्वक आयोजन केल्याबद्दल मराठी मुले-मुली जामखेड शाळेचे भरभरून कौतुक करत समाधान व्यक्त केले.
आनंदी बाजारात विविध फळे, फळभाज्या, खेळण्यांची, मिठाईची , खाद्यपदार्थाची दुकाने मांडून बाल विक्रते आपला माल विकावा म्हणून ग्राहकांना मालाचे महत्व पटवून देत होते. तसेच पैसे नाणी व नोटा यांचा हिशोब पटापट जुळवून देत होते. प्रत्येक विध्यार्थी आनंदाने आपला माल विकत होता.
गटशिक्षणाधिकारी बाळासाहेबजी धनवे यांनी प्रत्येक दुकानांना भेट देवून बाजार खरेदी केला तसेच विद्यार्थ्यांचे कौतुक करत शाबासकी दिली. त्यांच्यासमवेत दोन्ही शाळेचे मुख्याध्यापक श्री संजय कर्डीले सर, दत्तात्रय यादव सर, व शालेय व्यवस्थापन समिती अध्यक्ष संतोष गिरी, नासिर सय्यद, संतोष तवटे, भाऊसाहेब काळे, निलेश गायकवाड तसेच सर्व सदस्य उपस्थित होते.
आनंदी बाजारा सोबत आनंद नगरी भरविण्यात आली होती आनंद नगरीत मिकी माउस, झाम्पिंग झप्पा याचा आनंद घेताना बाल विद्यार्थ्यांचा आनंद शिगेला पोहोचला होता. आनंद नगरीचा सर्व पालक, शिक्षक, माता पालक व उपस्थित सर्व ग्राहकांनी मनसोक्त आनंद घेतला. आजचा दिवस सर्व विद्यार्थ्यांसाठी आनंदाचा ठरला.
