पिंपळगाव उंडा शाळेचा कु. सार्थक सुशेन गव्हाणे गणित विज्ञान प्रदर्शनात तालुक्यात प्रथम……
जामखेड प्रतिनिधी
४८ व्या जामखेड तालुकास्तरीय गणित, विज्ञान व पर्यावरण प्रदर्शनात जि. प. प्रा. शाळा पिंपळगाव उंडा या शाळेचा इ. सहावीचा विद्यार्थी कु.सार्थक सुशेन गव्हाणे याने ६ वी ते ८ वी गणित या गटात प्रथम क्रमांक मिळविला. गुणाकाराची निराळी पद्धत प्रतिकृती त्याने सादर केली.
जामखेड तालुक्याचे कर्तव्यदक्ष गटशिक्षणाधिकारी बाळासाहेब धनवे साहेब व प्रमुख पाहुणे यांच्या प्रमुख उपस्थित मान्यवरांच्या हस्ते सन्मानचिन्ह व प्रमाणपञ देऊन अमृता तिचे पालक व शिक्षक यांचा सन्मान करण्यात आला. नवोदय, शिष्यवृत्ती व इतर स्पर्धा परीक्षेत गणित विषयाचे अनन्यसाधारण महत्त्व असून कमी वेळात उत्तरे शोधणारा विद्यार्थी यात यशस्वी होतो. सार्थक याने गणित विषयात शाळास्तरावरही अनेक प्रतिकृती तयार केलेल्या आहेत.
