धक्कादायक! तक्रार घेऊन आलेल्या महिलेवर पोलिस उपनिरीक्षका कडूनच अत्याचार…..
अहमदनगर :जमीन खरेदीत फसवणूक झाल्याने तक्रार करण्यास गेलेल्या महिलेला कारवाई केल्यावर मला काय मिळेल? असे म्हणत तिला घरी बोलावून घेऊन राहुरी पोलीस ठाण्यातील पोलीस उपनिरीक्षकानेच लैंगिक अत्याचार केल्याची घटना समोर आली आहे. राहुरी पोलीस ठाण्याचा पोलीस उपनिरीक्षक सजन्नकुमार नाऱ्हेडा याच्यावर राहुरी पोलीस ठाण्यात आज बुधवारी बलात्काराचा गुन्हा दाखल झाला आहे. तालुक्यातील एका गावातील पीडीत महिलेने राहुरी पोलिसात दिलेल्या फिर्यादीवरून हा गुन्हा दाखल करण्यात आला आहे. या घटनेने राहुरी परिसरात खळबळ उडाली आहे. जामखेड पोलीस स्टेशनला देखील २०२१ साली कार्यरत आसताना पोलीस उपनिरीक्षक सज्जन नार्हेडा हा ३० हजाराची लाच घेताना ॲन्टीकप्शन च्या जाळ्यात अडकला होता.
याबाबत सदर पीडित महिलेने राहुरी पोलीस ठाण्यात दिलेल्या फिर्यादीत म्हटलं आहे की, देवळाली प्रवरा येथील एका व्यक्तीने जमीन खरेदीत माझी फसवणूक केली होती. याबाबत तक्रार अर्ज देण्यासाठी मी देवळाली प्रवरा पोलीस दूरक्षेत्र येथे गेले. तेव्हा तेथे मला एक अनोळखी इसम भेटला. त्यास मी तक्रार अर्जाबाबत सांगितले तेव्हा त्याने मला एक मोबाइल नंबर दिला व म्हणाला की, हे राहुरी पोलीस स्टेशनचे साहेब आहेत. त्यांना तुम्ही फोन करा ते तुमची तक्रार घेतील, असे सांगितल्याने मी माझ्या मोबाइलवरून फोन लावून माझ्या तक्रार अर्जाबाबत त्यांना सांगितले. त्यानंतर त्यांनी मला संगितले की, दोन दिवसानंतर माझ्या ऑफिसमध्ये या. मी दोन दिवसानंतर पोलीस स्टेशनला येणार आहे. त्यानंतर ७ जून रोजी मी राहुरी पोलीस स्टेशनला आले तेव्हा मला समजले की, राहुरी पोलीस स्टेशनचे साहेब निवृत्त झालेले आहे. त्यामुळे मी नाऱ्हेडा साहेबांच्या केबिनमध्ये माझी तक्रार सांगण्यासाठी गेले. त्यांना मी हकिगत सांगितली असता ते मला म्हणाले की, तुम्हाला पती नाही का? तुम्ही एकट्याच आलेल्या आहात का? तुमच्यासोबत कोणी नाही आले का? कास्ट कुठली आहे? असे प्रश्न मला विचारले. त्यानंतर म्हणाले की, तुमचे काम मी करून दिल्यास यामध्ये माझा काय फायदा आहे? त्यावर मी त्यांना म्हणाले की, मी तुम्हाला ५० हजार रुपये देईल. नंतर ते मला म्हणाले की, पैशाव्यतिरिक्त माझा काय फायदा होईल? त्यावेळी मी म्हणाले की, आणखी पैसे पाहिजे असेल तर देईल. मात्र तेव्हा ते मला म्हणाले की, मला पैसे नाही पाहिजेत. मला काय पाहिजे आहे ते समजून घ्या तुम्ही.
दरम्यान, ८ दिवसांनी नाऱ्हेडा यांना फोन करून मी माझ्या तक्रार अर्जाबाबत विचारपूस केली असता त्यांनी सांगितले की, मला फोन करायचा नाही. तुमचे काय काम आहे ते माझ्या ऑफिसमध्ये येऊन मला सांगायचे. त्यानंतर मी अर्जाबाबत चौकशी करण्यासाठी पोलीस स्टेशनसमोर उभी असताना नार्हेडा यांनी त्यांच्या व्हॉट्सअॅपवरुन मला तू खुप छान दिसते, असा मेसेज केला होता. तसंच नंतर मला धमकावून रूमवर नेत त्यांनी माझ्यासोबत जबरदस्तीने शारीरिक संबंध प्रस्थापित केले, असा आरोप पीडित महिलेने केला आहे.
सदर महिलेच्या फिर्यादीवरून राहुरी पोलीस ठाण्यात पोलीस उपनिरीक्षक सज्जनकुमार नार्हेडा याच्याविरुद्ध बलात्काराचा गुन्हा दाखल करण्यात आला आहे. या घटनेचा अधिक तपास पोलीस निरीक्षक धनंजय जाधव यांच्या मार्गदर्शनाखाली सुरू आहे.
जामखेड मध्ये २०२१ साली आसताना पोलीस उपनिरीक्षक सज्जन नार्हेडा आडकला होता ॲन्टीकप्शन च्या जाळ्यात…
२०२१ साली गुन्ह्याच्या तपासात मदत करण्यासाठी व तक्रारदार यांच्या भावास १६९ प्रमाणे गुन्ह्यातुन बाहेर काढण्यासाठी २०२१ साली जामखेड पोलीस स्टेशनला कार्यरत आसताना याच पोलीस उपनिरीक्षक सज्जन नार्हेडा याने ५ जानेवारी २०२१ रोजी हॉटेल चालकाच्या मदतीने फीर्यादीकडुन तीस हजार रुपयांची लाच घेताना अहमदनगर येथील लाचलुचपत प्रतिबंधक विभागाने पकडले होते. त्यावेळी पोलीस उपनिरीक्षक सज्जन नार्हेडा यांच्या वर लाचलुचपत प्रतिबंधक विभागाच्या पथकाने गुन्हा दाखल केला होता.
