खर्डा येथे शेतातील कुट्टी मशिनमध्ये अडकून महीलेचा जागीच मृत्यू
जामखेड प्रतिनिधी :खर्डा येथील शेतकरी रामचंद्र रामकिसन इंगोले यांच्या शेतातील गट नंबर ७६ मध्ये काम करत असताना कुट्टीमशिन मध्ये अडकून लक्ष्मी विजय गोलेकर (वय ४७) महिलेचा जागीच मृत्यू झाल्याची घटना घडली आहे. यामुळे परिसरात हळहळ व्यक्त केली जात आहे.
या बाबत सविस्तर असे की, आज दि. १५ मे रोजी जामखेड तालुक्यातील खर्डा येथील शेतकरी रामचंद्र रामकिसन इंगोले यांच्या खर्डा गावचे शिवारातील गट नं ७६ मधील शेता मध्ये शेतातील कुट्टी व्दारे काम चालू होते. हे काम सुरू असताना दुपारी १२:३० वाजताचे सुमारास या घटनेतील मयत महीला लक्ष्मी विजय गोलेकर या आपल्या कामासाठी लागत असलेला कोयता घेण्यासाठी ट्रक्टरवर चढली व कोयता घेवुन खाली उतरत असताना त्यांची साडी ही ट्रक्टर न कुट्टी मशिन जोडण्याचा शॉप्ट मध्ये अडकली
यानंतर साडी बरोबर महिलेचे डोके गोल फिरुन गंभीर जखमी झाल्यामुळे तिला ग्रामिण रुग्णालय जामखेड येथे घेवुन गेले असता तेथील डॉक्टरांनी तीला तपासले असता मयत घोषीत केले. सदर महीलेवर जामखेड ग्रामीण रुग्णालय शवविच्छेदन करण्यात आले. या प्रकरणी मुरहरी अंबादास इंगोले (वय ३७वर्ष) रा.खर्डा यांनी दिलेल्या खबरी वरुन खर्डा पोलीस स्टेशनला अकस्मात मृत्यूची नोंद करण्यात आली आहे. या घटनेचा पुढील तपास पोलीस नाईक सभांजी व्ही.शेंडे हे करत आहेत.
