तालुक्यातील पिंपरखेड येथे झाली भरदिवसा घरफोडी
जामखेड प्रतिनिधी : २८ ऑक्टोबर
जामखेड तालुक्यात भरदिवसा चोर्‍या होण्याचे प्रमाण कमी होताना दिसत नाही तालुक्यातील पिंपरखेड या ठीकाणी शेतकरी आण्णासाहेब पाडुरंग शिंदे यांच्या घरात चोरट्यांनी भरदिवसा घरफोडी करून ७० हजार रुपयांचा ऐवज लंपास केला आहे.
सविस्तर असे की यातील फिर्यादी व त्यांच्या पत्नी दैवशाला असे दोघे दि. २७ आॅक्टोबर रोजी सकाळी हे त्यांच्या पिपळखेड गावच्या शिवारातील घराजवळील शेतात लिंबु काढण्यासाठी गेलो होते. दुपारी साडेतीन वाजण्याच्या सुमारास फीर्यादी यांची पत्नी लींब काढुन घराकडे गेली. त्यानंतर ५ मिनीटांनी फीर्यादीची पत्नी देवशाला हिने आपल्या पतीस घरी बोलावून घेतले. यानुसार घरी जावुन पाहीले असता. घराचे दोन्ही दरवाज्याचे कोंडे कशाने तरी तोडुन कूलूपे खाली पडलेले व दरवाजा उघडा असल्याचे दिसले. त्या नंतर घरामध्ये जावुन पाहीले असता घरातील सामानाची उचकापाचक झालेली दिसली.
त्यानंतर फीर्यादी यांच्या कापटा जवळील टेबलचे ड्राव्हर मध्ये ठेवलेले सोन्याचे दागिने ज्यामध्ये ५ ग्रॅम वजनाची सोन्याची बोरमाळ १२५०० रूपये किंमतीचे, ७ ग्रॅम वजनाचे १३५०० किंमतीचे सोन्याचे गंठण, चार चार ग्राम वजनाच्या २०,०००दोन सोन्याच्या अंगठ्या, ३ ग्रॅम वजनाचे ७५०० किमतीचे कानातील सोन्याचे झुबे, व रोख रक्कम १३,००० रूपये असा एकूण ६७, ५००रूपयांचा मुद्देमाल ड्राव्हर मध्ये दिसला नाही. तेव्हा त्यांची खात्री झाली कि फीर्यादी यांच्या घरातील कपाटा शेजारी असलेले लोखडी टेबलचे ड्राव्हर मधील सोन्याचे दागिने व रोख रक्कम कोणीतरी अज्ञात चोरट्याने चोरी करुन नेले आहे .
यानुसार फिर्याद आण्णासाहेब पाडुरंग शिंदे (वय ५३) धंदा शेती, रा-पिंपरखेड ता. जामखेड यांनी दिलेल्या फिर्यादीवरून अज्ञात चोरट्याच्या विरोधात भारतीय दंड संहिता कलम ४५४, ३८० नुसार जामखेड पोलीस स्टेशनला गुन्हा दाखल करण्यात आला आहे.
घटनेची माहिती मिळताच पोलीस उपनिरीक्षक राजू थोरात, सहाय्यक फौजदार शिवाजी बोस आदी पोलीस कर्मचाऱ्यांनी तातडीने घटनास्थळास भेट दिली. या घटनेचा पुढील तपास जामखेड पोलीस स्टेशनचे कर्तव्यदक्ष पोलीस निरीक्षक संभाजी गायकवाड हे करत आहेत.
