जामखेड नगरपरिषद निवडणुकीत शिवसेना (शिंदे गट) स्वबळावर लढणार.
पायलताई आकाश बाफना यांना शिवसेना शिंदे गटाची उमेदवारी जाहीर
जामखेड प्रतिनिधी
जामखेड नगरपरिषद निवडणुकीत शिवसेना (शिंदे गट) स्वबळावर लढणार आसुन आदर्श फाउंडेशनचे अध्यक्ष आकाश बाफना यांच्या सौभाग्यवती पायलताई आकाश बाफना यांची शिवसेना पक्षाकडून नगराध्यक्षा पदाची निवडणूक लढविणार आहेत. याबाबत शिवसेनेचे माजी खासदार व पक्षनिरीक्षक माजी खासदार सदाशिव लोखंडे यांनी आज घेतलेल्या पत्रकार परिषदेत अधिकृत उमेदवारी जाहीर करण्यात आली आहे.
जामखेड येथे शनिवार दि 15 नोव्हेंबर 2025 रोजी शिवसेना शिंदे गटाचे माजी खासदार व पक्षनिरीक्षक सदाशिव लोखंडे यांनी नगरपरिषद निवडणुकीच्या पार्श्वभूमीवर जामखेड तालुक्यातील शिवसैनिकांची बैठक आयोजित केली होती. यानंतर त्यांनी पत्रकार परिषद घेतली होती. यावेळी जिल्हा प्रमुख बाबुशेठ टायरवाले, सातपुते, तालुकाप्रमुख प्रा. कैलास माने, युवा प्रमुख प्रविण बोलभट, देविदास भादलकर, नितीन कोल्हे, संतोष वाळुंजकर, बब्रुवान वाळुंजकर, शिवकुमार डोंगरे, पांडुरंग समुद्र यांच्या सह जिल्ह्यातील तसेच तालुक्याती अनेक शिवसैनिक मोठ्या संख्येने हजर होते.
यावेळी पक्षनिरीक्षक सदाशिव लोखंडे म्हणाले म्हणाले की शिवसेना पक्ष एकत्रीकरण करुन काम करायचे आहे. उपमुख्यमंत्री एकनाथ शिंदे यांनी लाडकी बहिण योजना सुरू केली आहे. एस टी महामंडळाच्या माध्यमातून एस टी बसला महीलांना हाफ तीकीट योजना एकनाथ शिंदे यांनी केली आहे. लोकांसाठी शासकीय योजना राबविल्या आहेत. आपण सर्वांनी शिवसेना पक्षात एक दिलाने काम करुन व एक दिलाने प्रचार केला पाहिजे.
यावेळी जिल्हा प्रमुख बाबुशेठ टायरवाले म्हणाले की, आम्ही युतीसाठी खुप प्रयत्न केला पण भाजपाकडून आम्हाला प्रतिसाद मिळाला नाही. त्यामुळे आम्ही स्वतंत्र सर्वच्या सर्व जागा लढविणार आहोत. आम्ही सर्व जण एकत्र प्रयत्न करणार आसुन चांगले यश देखील मिळवणार आहोत. आमच्यात कसलाही बेबनाव नाही असा विश्वास व्यक्त केला.
आकाश बाफना यांनी बोलताना सांगितले की जामखेड शहर विकासाच्या बाबतीत खुप मागे पडले आहे. आपण सर्वांनी एकत्रीत येऊन पुर्ण ताकदीने लढणार आहेत. दिवस रात्र एकत्र येऊन काम करुन जिंकून दाखवु
जामखेड नगरपरिषद निवडणुकीच्या पार्श्वभूमीवर मोठी राजकीय घडामोड घडली असून तरुणांचा आयडॉल म्हणून ओळखले जाणारे आकाश बाफना यांनी मुंबई येथे उपमुख्यमंत्री एकनाथ शिंदे यांच्या उपस्थितीत शिवसेना (शिंदे गट) मध्ये प्रवेश केला. या प्रवेशामुळे जामखेडमधील राजकीय समीकरणांमध्ये मोठा भूकंप झाल्याची चर्चा वर्तुळात आहे. शिंदे गटाने जामखेड नगरपरिषद निवडणूक स्वबळावर लढवण्याचा निर्णय घेतल्याने कोणाला फटका बसेल, कोणाचे गणित बिघडेल, यावर वर्तुळात जोरदार चर्चा सुरू झाली आहे.
आकाश बाफना यांच्या प्रवेशासोबत काही विद्यमान नगरसेवकांनीही शिंदे गटात प्रवेश केला असून आणखी काही नगरसेवक लवकरच पक्षप्रवेश करणार असल्याची माहिती मिळत आहे. राज्यात महायुतीचे सरकार असले तरी काही ठिकाणी स्वतंत्र निवडणूक लढवली जात आहे. जामखेडमध्ये मात्र महाविकास आघाडी आणि महायुती दोन्ही स्वतंत्ररीत्या लढणार असल्याचे संकेत मिळत आहेत. आतापर्यंत जामखेडचे राजकारण सभापती प्रा. राम शिंदे आणि आमदार रोहित पवार यांच्या भोवती फिरताना दिसत होते. त्यामुळे नगरपरिषद निवडणुक ही दुरंगी लढत होणार होती मात्र शिवसेना शिंदे गट स्वबळावर निवडणूक लढविणार आसल्याने सध्यातरी ही निवडणुकीत तिरंगी लढत होणार असल्याचे दिसून येत आहे.
