वृध्द दाम्पत्यंस चोरट्यांची चाकुने मारहाण, तीन अज्ञात चोरट्यांन विरोधात गुन्हा दाखल
जामखेड प्रतिनिधी
तालुक्यातील राजेवाडी येथील वयोवृद्ध जोडप्यास तीन अज्ञात चोरट्यांनी चाकूने वार करत मारहाण करून जखमी केले व त्यांच्या कडील गळ्यातील व कानातील सोन्याचे दागिने चोरून नेले. या प्रकरणी जामखेड पोलीस स्टेशनला तीन अज्ञात चोरट्यांविरोधात मारहाण व जबरी चोरीचा गुन्हा दाखल करण्यात आला आहे. या घटनेमुळे परिसरात भीतीचे वातावरण पसरले आहे.
पोलिसांकडून मिळालेली माहिती अशी की, दि. ७ ऑगस्ट रोजी जामखेड तालुक्यातील राजेवाडी येथील खरात वाडी शिवारातील शेतात फिर्यादी सेवक कोंडीबा गोरे व त्यांची पत्नी तोळाबाई सेवक गोरे हे रात्रीच्या सुमारास शेतातील घरासमोरील पडवीत झोपले असताना रात्री अकराच्या सुमारास अंदाजे 22 ते 25 वयोगटातील तीन अज्ञात चोरटे घराजवळील पडवीत आले व या दांम्पत्याकडे घराची चावी मागितली यावेळी फिर्यादी चावी शोधत असताना त्यांच्या तोंडावर चाकू मारून जखमी केले. व गळ्यातील बदाम तोडून घेतला तसेच पत्नीला देखील चोरट्यांनी तोंडावर, हातावर, पाठीवर दगडाने मारहाण करत जखमी केले व गळ्यातील डोरले व कानातील झुबे चोरट्यांनी काढून घेतले व पळून जाताना पुन्हा फिर्यादीच्या हातावर चाकूने वार करून जखमी केले.
या घटनेत चोरट्यांनी कानातील व गळ्यातील एकुण 18 हजार रुपये किंमतीचा सोन्याचा ऐवज चोरून नेला. जखमी दांपत्यावर जामखेड येथील खाजगी रुग्णालयात उपचार सुरू आहेत. घटनास्थळी पोलीस उपविभागीय पोलीस अधिकारी प्रविणचंद्र लोखंडे व जामखेड पोलीस स्टेशनचे पोलीस निरीक्षक दशरथ चौधरी यांनी भेट दिली. दि. 8 रोजी दुसऱ्या दिवशी सकाळी घटनास्थळी श्वानपथक, फॉरेन्सीक लॅब व फिंगर प्रिंट पथकास पाचारण करण्यात आले होते. या घटनेचा पुढील तपास पोलीस निरीक्षक दशरथ चौधरी यांच्या मार्गदर्शनाखाली पोलीस उपनिरीक्षक किशोर गावडे करत आहेत.
