. 
चप्पल बदलीसाठी गेलेल्या अल्पवयीन मुलीचा दुकानदाराकडुन विनयभंग
जामखेड प्रतिनिधी
तालुक्यातील नान्नज येथे चप्पल बदलुन घेण्यासाठी गेलेल्या अल्पवयीन मुलीची छेड काढुन तीचा दुकान मालकाने विनयभंग केला. याप्रकरणी जामखेड पोलीस स्टेशनला दुकान मालका विरोधात विनयभंग व पोक्सो अंतर्गत गुन्हा दाखल करण्यात आला आहे. आरोपी न्यायालयाने 14 दिवसांची न्यायालयीन कोठडी सुनावली आहे.
पोलिसांकडून मिळाले माहिती अशी की दि 16 जुलै 2025 रोजी एक अल्पवयीन मुलगी ही सायंकाळी 5 वाजता नान्नज येथील शुज सेंटरच्या दुकानात चप्पल बदलण्यासाठी गेली होती. यावेळी शुज सेंटरचा मालक आरोपी गफार निजाम शेख, वय 34 वर्षे, रा. नान्नज, तालुका जामखेड याने अल्पवयीन मुलीस डोळा मारुन व हात धरुन जवळ ओढत विनयभंग केला. तसेच अल्पवयीन मुलीस सदरची घटना कोणाला सांगीतली तर तुला जीवे ठार मारु अशी धमकी दिली. याप्रकरणी पिडीत अल्पवयीन मुलीने घडलेला प्रकार घडलेला प्रकार घरी सांगितल्यावर तीने आपल्या वडीलांसोबत दि 17 जुलै 2025 रोजी जामखेड पोलीस स्टेशनला येऊन फीर्याद दाखल केली आहे. यानंतर वरील आरोपी विरोधात जामखेड पोलीस स्टेशनला विनयभंग व पोक्सो अंतर्गत गुन्हा दाखल करण्यात आला आहे. याप्रकरणी पोलिसांनी आरोपीस अटक करुन न्यायालयात हजर केले असता न्यायालयाने त्यास 14 दिवसांची न्यायालयीन कोठडी सुनावली आहे. पुढील तपास सहाय्यक पोलीस निरीक्षक वर्षा जाधव या करीत आहेत.
