देवदैठण येथील ६१ वर्षीय शेतकऱ्याचा विजेचा शाॅक लागून मृत्यू .
जामखेड प्रतिनिधी
जामखेड तालुक्यातील देवदैठण येथील ६१ वर्षीय शेतकरी अशोक मनोहर बनकर हे शेतात पाण्याची मोटार सुरू करण्यासाठी गेले असता. मोटारीच्या पेटीत करंट उतरलेला असल्याने बटन सुरू करताना शाॅक लागून त्यांचा जागीच मृत्यू झाला. यामुळे देवदैठण परिसरात शोककळा पसरली आहे. त्यांच्यावर काल सायंकाळी शोकाकुल वातावरणात त्यांच्यावर अंत्यसंस्कार करण्यात आले.
याबाबत सविस्तर माहिती अशी की, जामखेड तालुक्यातील देवदैठण येथील शेतकरी अशोक बनकर हे दुपारच्या सुमारास आपल्या शेतातील पिकाला पाणी देण्यासाठी मोटार सुरू करण्यासाठी गेले होते. मात्र पेटीत करंट उतरलेला असल्याने बटन सुरू करत असताना त्यांना शाॅक बसला. पाया खालील सगळा परिसर ओला असल्याने त्यांचा जागीच मृत्यू झाला.
जवळच असलेल्या शेतकऱ्यांनी ही घटना पाहताच ताबडतोब गावातील सरपंच, पोलीस पाटील यांना कळवले तसेच खर्डा पोलीसांना ही माहिती देण्यात आली त्यानुसार खर्डा पोलीसांनी ताबडतोब घटनास्थळी येऊन पंचनामा केला.
मृतदेह जामखेड ग्रामीण रुग्णालयात पाठविण्यात आला याठिकाणी वैद्यकीय अधिकारी डॉ. शशांक शिंदे यांनी शवविच्छेदन केले व मृतदेह नातेवाईकांच्या ताब्यात दिला. सायंकाळी देवदैठण येथे अंत्यसंस्कार करण्यात आले. त्यांच्या मागे पत्नी, दोन मुले, एक मुलगी असा परिवार आहे. मुलांचे शिक्षण सुरू आहेत, मुलगी स्पर्धा परिक्षेचा अभ्यास करत आहे.
