रोखठोक जामखेड….
मोहा येथे रस्त्याच्या कामाची तक्रार का केली व निवडणुकीत विरोधात प्रचार का केला अशा दोन कारणांवरून झालेल्या दोन गटातील हाणामारी मध्ये एकुण पाच जण जखमी झाले. या प्रकरणी दोन्ही गटाकडून दाखल झालेल्या परस्पर विरोधी तक्रारी वरुन एकुण 29 जणांविरोधात जामखेड पोलीस स्टेशनला गुन्हा दाखल दाखल करण्यात आला आहे.
सदर च्या दोन्ही घटना दि 5 व 6 रोजी घडल्या असुन पहिल्या दाखल केलेल्या फीर्यादी मध्ये फीर्यादी संदिप ज्ञानदेव डोंगरे यांनी म्हटले आहे की आरोपी शिवाजी त्रिंबक डोंगरे, वामन आत्माराम डोंगरे, प्रदिप आत्माराम डोंगरे, मारुती रघुनाथ डोंगरे, बाळु रघुनाथ डोंगरे, नवनाथ बाळु डोंगरे, रमेश मारुती डोंगरे, उमेश मारुती डोंगरे, बाबासाहेब वामन बांगर, केदार वामन बांगर, हर्षल बाळासाहेब डोंगरे, देविदास महादेव गर्जे, ज्ञानेश्वर महादेव गर्जे, मारुती गोविंद बेलेकर, वसंत दत्तात्रय झेंडे, छाया आत्माराम डोंगरे, स्वाती वामन डोंगरे, उर्मिला प्रदिप डोंगरे, मनिषा मारुती डोंगरे, महादेव प्रल्हाद गर्जे व मुक्ताबाई महादेव गर्जे सर्व रा. मोहा अशा 19 जणांनी गैरकायद्याची मंडळी जमवून फीर्यादी च्या रहात्या घरासमोर येऊन व सोमनाथ डोंगरे यास म्हणाले की तुम्ही आम्ही करीत आसलेल्या रोडच्या कामाच्या विरोधात जिल्हाधिकारी साहेबांनकडे तक्रार अर्ज का केला असे म्हणून आरोपी यांनी लाकडी दांडक्याने व व दगडाने मारहाण केली. तसेच तुम्ही तक्रार अर्ज मागे घेतला नाही तर तुमचा काटा काढतो असे म्हणून दम दिला.
दुसरी फीर्याद वामन आत्माराम डोंगरे यांनी दिली असुन त्यांनी या फीर्यादी म्हटले आहे की आरोपी संदिप ज्ञानदेव डोंगरे, सदाशिव ज्ञानदेव डोंगरे, ज्ञानदेव नामदेव डोंगरे, रा. मोहा, सोमनाथ श्रीधर डोंगरे, अशोक रामचंद्र दहीफळे, अभिनंदन सुरेश डोंगरे, रा हापटवाडी, बाळु महादेव घुमरे रा. रेडेवाडी, व लहुराज दिवीचंद डोंगरे रा हापटवाडी अशा एकुण आठ जणांनी फीर्यादी व साक्षीदार यांनी घरासमोर येऊन मारहाण करण्यास सुरुवात केली. तसेच तु ग्रामपंचायत निवडणुकीत देवीचंद वामन डोंगरे यांच्या विरोधात काम का केले असे म्हणुन मारहाण केली. तसेच या ठिकाणी काही जण सोडवण्यासाठी आले आसता त्यांना देखील मारहाण करण्यात आली.
या घटनेत एकुण पाच जण जखमी झाले असून परस्पर विरोधी दाखल झालेल्या फीर्यादी वरुन दोन्ही गटातील एकुण 29 जणांविरोधात जामखेड पोलीस स्टेशनला गुन्हा दाखल करण्यात आला आहे. पुढील तपास पोलीस निरीक्षक संभाजी गायकवाड यांच्या मार्गदर्शनाखाली एस व्ही लाटे हे करत आहेत.
