तुम्ही कोर्टात दावा का करता आसे म्हणत केला महीलेचा विनयभंग; तीघांवर गुन्हा दाखल
जामखेड प्रतिनिधी : २३ सप्टेंबर
जामखेड शहरातील शिक्षक कॉलनी येथे मोकळया जागेच्या वादावरुन आरोपींनी तुम्ही कोर्टात दावा दाखल का करता? आसे म्हणत एका महिलेचा विनयभंग केला या प्रकरणी जामखेड पोलीस स्टेशनला गुन्हा दाखल करण्यात आला आहे.
या बाबत मिळालेली माहिती अशी की जामखेड शहरातील शिक्षक कॉलनी येथील फिर्यादीच्या राहते घरात, दि. २१ सप्टेंबर रोजी रात्री आठच्या सुमारास घडली आहे. याबाबत सविस्तर असे की, फिर्यादी जामखेड शहरातील पिडीत महिला या घरी असताना यातील आरोपी दत्तात्रय सदगुरु चऱ्हाटे व इतर तीन अनोळखी व्यक्ती यांनी घरामध्ये घुसुन फिर्यादीस पाणी मागीतले असता फिर्यादीने त्यांना घरातील पाणी दिले ते पाणी न पिता फिर्यादीस म्हणाले की तुम्ही कोर्टात दावा का करता असे म्हणुन शिवीगाळ करु लागले त्यावेळी फिर्यादी त्यांना समजावुन सांगत असताना त्याचा त्यांना राग आल्याने आरोपी यांनी फिर्यादीस लाथाबुक्यांनी मारहाण करुन फिर्यादीस लज्जा उत्पन्न होईल असे कृत्य करत विनयभंग केला व फिर्यादीचे गळयातील सोन्याचे दागीने तोडले. व ते तेथुन निघुन गेले. याबाबत पिडीत महिलेने दिलेल्या फिर्यादीवरून आरोपी दत्तात्रय सदगुरु चऱ्हाटे रा. तपनेश्वर गल्ली जामखेड ता जामखेड व तीन अनोळखी इसम यांचे विरोधात विनभंगाचा गुन्हा दाखल करण्यात आला आहे.
घटनेचा पुढील तपास जामखेड पोलीस स्टेशनचे पोलीस निरीक्षक संभाजी गायकवाड यांच्या मार्गदर्शनाखाली पोलीस हेडकॉन्टेबल एस.डी लोखंडे हे करत आहेत.
