कोल्हापुर: तब्बल ३ ते ४ वर्षांनी कोल्हापुरात डॉल्बीचा दणदणाट पाहायला मिळाला होता. विसर्जन मिरवणुकीतील डॉल्बीसोबत असलेला लेझर शो कोल्हापूरकरांना घातक ठरला आहे. कोल्हापुरात विसर्जन मिरवणुकीत लेझर शोमुळे ६३ जणांच्या डोळ्याला इजा झाल्याची धक्कादायक माहिती समोर आली आहे. त्याचबरोबर डोळ्याला इजा होणाऱ्या रुग्णांमध्ये अजून वाढ होण्याची शक्यता कोल्हापूर जिल्हा नेत्र संघटनेने वर्तवली आहे.
गेल्या दोन वर्षांपासून करोनामुळे सर्व सण-उत्सवांवर निर्बंध होते. मात्र, यंदा कुठलेही नियम आणि निर्बंधांशिवाय यंदा मोठ्या उत्साहात गणेशोत्सव साजरा झाला. तसे कोल्हापुरात गेल्या तीन ते चार वर्षांपासून डॉल्बीवर बंदी होती. मात्र, यंदा निर्बंध हटवल्याने सर्वत्र डॉल्बीचा दणदणाट पाहायला मिळाला. मात्र, याचे परिणाम आता दिसू लागले आहेत.
या वेळेसच्या विसर्जन मिरवणुकीतील डॉल्बीसोबत असलेला लेझर शो कोल्हापूरकरांना घातक ठरला आहे. कोल्हापुरात विसर्जन मिरवणुकीत लेझर शोमुळे ६३ जणांच्या डोळ्याला इजा झाल्याची धक्कादायक माहिती समोर आली आहे. त्याचबरोबर डोळ्याला इजा होणाऱ्या रुग्णांमध्ये अजून वाढ होण्याची शक्यता कोल्हापूर जिल्हा नेत्र संघटनेने वर्तवली आहे.
यंदाच्या गणेशोत्सवात गणेश आगमन आणि विसर्जन मिरवणुकीत डीजे आणि लेझर शो आकर्षणाचा केंद्रबिंदू ठरला होता. तब्बल ३ ते ४ वर्षांनी कोल्हापुरात डॉल्बीचा दणदणाट पाहायला मिळाला होता. तर, डॉल्बीसोबत यंदा लेझर किरणही मोठ्या प्रमाणात वापरण्यात आले होते. मात्र, आता हाच लेझर चिंतेचा विषय ठरला असून कोल्हापुरातील तब्बल ६३ जणांच्या डोळ्याला इजा झाली आहे. सोबतच मोबाईलवर ही परिणाम झाले असून अनेक मोबाईलचे कॅमेरे बाद झाले आहेत.
यंदा मिरवणुकीत वापरण्यात आलेले लेझर हे धोकादायक ठरत आहेत.
मिरवणुका आकर्षक बनवण्यासाठी अति तीव्र लेझर किरणांचा वापर केला जात असून प्रचंड क्षमतेने बाहेर पडणारी किरण माणसांसाठी धोकादायक ठरत आहेत. लेझर किरणांचा वापर उद्योगधंदे आणि वैद्यकीय क्षेत्रात अगदी काळजीपूर्वक केला जातो. लेझरच्या वापरात थोडी जरी चूक झाली, तर त्याचे गंभीर परिणाम आपल्याला भोगावे लागतात. मात्र मिरवणुकीत अशाच लेसरचा सर्रास वापर केला जात आहे.
हेही महत्त्वाचे वाचा
खरतर लेझर किरणांची क्षमता ही दहाव्या व्याट पेक्षा जास्त असू नये, एकाच ठिकाणी लेझर किरण केंद्रित करु नयेत असा लेझर किरणाबाबत सूचना कंपन्यांनी दिल्या आहे. मात्र, प्रत्यक्षात मात्र लेझरची क्षमता ६० व्याटपर्यंत वाढवली जात असून यामुळेच मिरवणुकीत आलेल्या अनेक लहान मुलं आणि जेष्ठ नागरिकांच्या डोळ्याला इजा झाल्याची माहिती समोर येऊ आली आहे.
हेही महत्त्वाचे वाचा
यंदा पोलिसांकडून मंडळांना असे घातक लेझर लाईटचा वापर करु नये, असे सांगण्यात आले होते. मात्र, पोलिसांकडे ही घातक लेझर लाईट ओळखण्याची यंत्रणा उपलब्ध नसल्याने सर्रास सर्वत्र अशा घातक लेझरचा वापर करण्यात आला आहे.
