लग्न समारंभ आटपून परतणाऱ्या रीक्षा चा भिषण अपघात
अपघातात अंबाजोगाई चे चार तरुण जागीच ठार.
टीपर आणि अॉटोरीक्षाची झाली समोरा समोर धडक
बीड प्रतिनिधी
विवाह सोहळा आटोपून गंगाखेड परळी रस्त्याने अंबाजोगाईकडे निघालेल्या अॉटोरीक्षा व हायवा (टीपर) यांची समोरासमोर धडक होऊन झालेल्या भिषण अपघातात रीक्षा मधिल चार तरुणांचा जागीच मृत्यू झाला.
बीड जिल्ह्यातील परळी गंगाखेड रस्त्यावर गंगाखेड पासुन पंधरा किलोमीटर अंतरावर आज दि.१३ रोजी सुमारे साडे सहाच्या दरम्यान हा अपघात घडला आहे. अपघातात ठार झालेले चारही तरुण हे अंबाजोगाई येथील आहेत. हायवा खाली फसल्याने चुराडा झालेल्या ऑटोतील मृतदेह रात्री उशिरा साडे आठ वाजता बाहेर काढण्यात आले. सोनपेठ तालुक्यातील चुकार पिंपरी येथील विवाह सोहळा आटोपून गंगाखेड परळी रस्त्याने परत परळी मार्गे अंबाजोगाईकडे निघालेल्या रियर ऑटो क्रमांक एम.एच.२३ टी.आर. ३११ ला परळीकडून राख घेऊन गंगाखेडकडे येत असलेल्या हायवा क्रमांक एम.एच.२२ ए. एन.५१२१ ने समोरासमोर जोराची धडक दिली. या अपघातात ऑटोचा चुराडा होऊन ऑटो रिक्षा मधिल विशाल बागवाले(२०), दत्ता भागवत सोळंके (२५), आकाश चौधरी (२३), ऑटो चालक मुकुंद मस्के (२२) सर्व रा.अंबाजोगाई हे चार तरुण जागीच ठार झाले आहेत. अपघाताची माहिती समजताच सोनपेठ पोलीस ठाण्याचे स.पो.नि. श्रीनिवास भिकाने, स.पो.उपनिरिक्षक देवराव मुंढे, पांडुरंग काळे, पोलीस ठाण्याचे पोलीस निरीक्षक वसुंधरा आणि , होमगार्ड आणि पोलीस कर्मचारी गस्तीवर असलेले स.पो.उपनिरिक्षक दिलीप अवचार, आदींनी घटनास्थळी धाव घेतली. हायवा खाली सापडून चुराडा झालेला ऑटो व त्यात अडकलेल्या मयतांचे मृतदेह करम, निळा, वडगाव स्टेशन येथील ग्रामस्थ व अन्य लोकांच्या मदतीने रात्री साडेआठ वाजता बाहेर काढून गंगाखेड येथील खाजगी रुग्णवाहिकेतून गंगाखेड उपजिल्हा रुग्णालयात हलविले. हायवा चालक फरार झाल्याने हायवा खाली सापडलेला ऑटो व त्यातील मृतदेह बाहेर काढण्यासाठी पोलीसांना व ग्रामस्थांना अथक परिश्रम करावे लागले.
