करमाळा प्रतिनिधी
करमाळा तालुक्यातील उजनी क्षेत्रातील सांगवी नं तीन शिवारात शेतात काम करणाऱ्या महीलेवर बिबट्याने झडप मारली मात्र ही झडप महीलेने चुकवल्याने ती या हल्ल्यातून बालंबाल बचावली आहे. जवळ आसणार्या लोकांनी या बिबट्याला दगड मारून त्याला घटनास्थळाहुन पिटाळून लावले त्यामुळे पुढील दुर्घटना टळली.
या बाबत समजलेली माहिती अशी की करमाळा तालुक्यात तीन जणांचे बळी घेतलेल्या नरभक्षक बिबट्या ने काल ११ डिसेंबर रोजी दुपारी बाराच्या सुमारास नरसोबावाडी सांगवी जवळ भागात शेतात काम करणाऱ्या दिनकर पाटील यांच्या पत्नी वर झडप मारली यावेळी त्यांनी बिबट्याची झडप चुकवली यावेळी उपस्थित असलेल्या लोकांनी दगडाचा भडीमार संबंधित नरभक्षक बिबट्यावर केल्यानंतर तो बिबट्या तिथून पळून गेला
पळून गेल्यानंतर तो बिबट्या रामचंद्र महादेव कदम यांच्या उसाच्या शेतात गेला दुपारी दीड वाजल्या नंतर ही बातमी वन विभाग अधिकाऱ्यांना त्यांना कळल्यानंतर व सत्तर-ऐंशी कर्मचाऱ्यांनी या उसाच्या पाच एकराच्या फडाला घेराव घातला होता. तसेच शार्प शूटर सायंकाळी सहाच्या पुढे उसाच्या फडात घुसले आहेत रात्री ९ वाजेपर्यंत विभागाने प्रयत्न करून त्याला जेरबंद करण्याच नियोजन केले पण त्यांना यश अद्याप तरी यश आले नाही.
आमदार रोहित दादा पवार यांची भेट
कर्जत जामखेड चे आमदार रोहित दादा पवार यांनी काल सायंकाळी घटनास्थळी भेट दिली त्यावेळी उपस्थित वन विभाग अधिकाऱ्यांशी चर्चा करून त्यांना योग्य त्या सूचना दिल्या आहेत. कसल्याही परिस्थितीत बिबट्याच्या संकटातून करमाळा तालुक्याला बिबट्या मुक्त करायचे आहे. वन विभागाच्या अधिकाऱ्यांनी प्राणाची शिकस्त करून हा बिबट्या जेरबंद करावा अशा सूचना दिल्या यावेळी त्यांच्यासोबत बारामती ऍग्रो चे उपाध्यक्ष सुभाष आबा गवळी उपस्थित होते. वनविभागाचे अधिकारी गेल्या पाच दिवसापासून ज्या पद्धतीने काम करत आहे त्याबद्दल आमदार रोहित पवार यांनी समाधान व्यक्त केले.
