जामखेड प्रतिनिधी
खर्ड्याजवळील कानिफनाथ मंदिराच्या परिसरात एका अनोळखी इसमाचा मृतदेह सापडल्याने मोठी खळबळ उडाली आहे. या व्यक्ती ची उद्याप ओळख पटलेली नाही.
याबाबत माहिती अशी की दिनांक ७ डिसेंबर रोजी दुपारी येथील प्रमोद मोहन लोखंडे हे खर्ड्याजवळील कानिफनाथ मंदिराच्या परिसरात शेळ्या चारत होते. मंदीराच्या रोड जवळील खदानीत एक अनोळखी इसमाचे प्रेत पाण्यात तरंगताना त्यांना दिसून आले. त्यांनी तात्काळ जामखेड पोलिस स्टेशनशी संपर्क साधून फोनवर पोलिसांना माहिती दिली. त्यानंतर पोलीस घटनास्थळी दाखल झाले. त्यांनी पाहणी केल्यानंतर अज्ञात इसमाच्या अंगावर फिकट गुलाबी रंगाचा व त्यावर टिपके असलेला फुल भाईचा शर्ट, पांढरी पॅंट, सावळा रंग, नीम गोरा त्याचा शरीर बांधा सडपातळ मध्यम चेहरा व केस बारीक असल्याचे पोलिसांनी सांगितले आहे, या घटनेमुळे खर्डा शहरात मोठी खळबळ उडाली आहे. पोस्टमार्टम रिपोर्ट आल्यानंतरच या अज्ञात इसमाची हत्या केली आहे का? त्याने आत्महत्या केली हे समजणार आहे. याबाबत जामखेड पोलिस स्टेशनला अकस्मात मृत्यूची नोंद करण्यात आली आहे. पुढील तपास एपीआय सुनील बडे, पोलीस नाईक संभाजी शेंडे, पोलिस नाईक जायभाय,पो.कॉ.शेषराव म्हस्के हे करीत आहेत.
