ध्येय निश्चित करून आपल्या आई-वडिलांचे स्वप्न पूर्ण करा- संतोष खाडे
जामखेड प्रतिनिधी
विद्यार्थ्यांनो तुम्ही स्वतः प्रॅक्टिकल व्हा कारण आपले ध्येय निश्चित करून आपल्या आई-वडिलांचे स्वप्न पूर्ण करा कारण मी स्वतः आई-वडिलांचा कोयता बंद करण्याचे ध्येय निश्चित केले होते आणि त्याप्रमाणे अभ्यास करून आज तुमच्यासमोर उभा आहे आसे मत विद्यार्थ्यांना मार्गदर्शन करताना कष्टातून ध्येय मिळवलेले उपविभागीय पोलीस अधिकारी संतोष खाडे यांनी व्यक्त केले.
शुक्रवार दिनांक 11 जुलै 2025 अहिल्यानगर चे उपविभागीय पोलीस अधिकारी संतोष खाडे यांनी ल ना होशिंग माध्य व उच्च माध्यमिक विद्यालयाला सदिच्छा भेट देऊन यांनी विद्यार्थ्यांना मार्गदर्शन केले यावेळी खाडे बोलत होते.
प्रामाणिकपणे केलेले कष्ट अभ्यास आपली स्वतःची बौद्धिक, आर्थिक, शारीरिक क्षमता ओळखून आपण त्याप्रमाणे शंभर टक्के प्रयत्न केला पाहिजे. मोबाईल पासून स्वतः दूर राहण्याचा प्रयत्न करा. जरी आपण मोबाईल घेतला तर त्यातील काही चांगल्या वेबसाईट पाहून अभ्यासच केला पाहिजे. ग्रंथालयाचा वापर वाढून मोबाईलचा वापर कमी केला पाहिजे. इयत्ता दहावी व बारावी हा आपल्या शालेय जीवनातील सुरुवातीचा पाया आहे सुरुवाती पासूनच आपण कष्ट घेतले पाहिजेत. आज जागतिक लोकसंख्या दिनाचे महत्त्व तुमचे शिक्षक तुम्हाला माहिती देत असतील. असे मनोगत संतोष खाडे यांनी व्यक्त केले.
अमित चिंतामणी विद्यालयाचे माजी विद्यार्थी यांनीही संतोष खाडे यांच्या कार्याची ओळख करून देत त्यांनी घेतलेले कष्ट आई-वडिलांचे स्वप्न पूर्ण करण्यासाठी केलेला अभ्यास यामुळेच ते आज डीवायएसपी पदापर्यंत पोहोचलेले आहेत. याबद्दल सर्व जामखेड करांच्या वतीने त्यांचे मनापासून अभिनंदन करतो व त्यांना वाढदिवसानिमित्त शुभेच्छा देऊन आपले मनोगत पूर्ण केले. त्यानंतर विद्यालयाचे प्राचार्य बाळासाहेब पारखे यांनी आपल्या मनोगतामध्ये विद्यार्थ्यांचे आयडॉल ग्रामीण भागातील तरुण आपल्या धडाडीच्या कार्यामुळे व कारवाईमुळे अहिल्यानगर जिल्ह्यात आपल्या उत्कृष्ट कार्याचा ठसा उमटवला याचा अभिमान आम्हा सर्वांना आहे. असे प्राचार्य बाळासाहेब पारखे यांनी आपले मनोगत व्यक्त केले.
कलाशिक्षक मुकुंद राऊत यांनी वाढदिवसानिमित्त साहेबांना चित्र सप्रेम भेट दिले. या कार्यक्रमाच्या वेळी नगरसेवक अमित चिंतामणी, माजी खजिनदार राजेश मोरे ॲड. प्रवीण सानप, काकासाहेब गर्जे, जहीर शेख, गणेश काळे, मुख्याध्यापक बाळासाहेब पारखे, उपमुख्याध्यापक दत्तात्रय राजमाने, शिक्षक प्रतिनिधी सुप्रिया घायतडक, आदीमान्यवर उपस्थित होते.
या कार्यक्रमाच्या यशस्वीतेसाठी समारंभ प्रमुख नरेंद्र डहाळे व भरत लहाने, बबन राठोड, पोपट जगदाळे, कैलास वराट, विशाल पोले, उमाकांत कुलकर्णी, रोहित घोडेस्वार, किशोर कुलकर्णी, आदित्य देशमुख, साई भोसले, स्वप्निल जाधव विद्यालयातील सर्व शिक्षकांनी प्रयत्न केले त्याच बरोबर याकार्यक्रमाचे सूत्रसंचालन अनिल देडे यांनी केले.
